الزوجة الأولى لطارق العريان ترد على أصالة... هذا ما قالته

علّقت هالة العتال، الزوجة الأولى للمخرج طارق العريان، على الصورة التي نشرتها طليقة الأخير الفنانة أصالة، والتي يظهر فيها مع عارضة الأزياء نيكول سعفان.

وكانت أصالة قد أعادت نشر صورة جمعت طارق العريان والد طفليها آدم وعلي، مع نيكول سمعان، عبر "إنستغرام"، وعلّقت عليها بالقول: "هي أقسى صورة مرقت عليّ منّ بداية قصتي لليوم، ومنّ وقت شفتها منّ حوالي 30 ساعة وأنا قاعدة بسّ عمّ حاول صدّق، فيه شخص بالصّورة كان بمقام وغلاوة روح ونفْسّ".

هاجمت هالة العتال أصالة ووجّهت رسالة امتنان لزوجها السابق طارق العريان، الذي أكّدت وقوفه بجانبها ومساندتها دائماً 

وقد دخلت هالة العتال على خط الأزمة بين أصالة والعريان، وكتبت عبر صفحتها الشخصية في موقع "فيسبوك": "دي أول مرة ممكن أرد فيها، الصورة قاسية عليكي، طيب أنا لما كنت بشوف ألف صورة، وابني مش موجود فيها، يا ترى إحساسي كان إيه؟ كان أكتر من قاسي كان مقهور، طيب لما كنتي بتكتبي العيلة وابني مش موجود فيها، إحساسه هو كان إيه؟ أولادك عندهم أب، أيمن الذهبي حي يرزق، لكن ابني كان عنده أب واحد بس، وللأسف مش هقدر أقول تفاصيل، طيب لما كنا بنحاول نتكلم كان ردك إيه، يا ترى قاسي، ولا حنون زي ما أنتي دلوقت".

وتابعت طليقة العريان الأولى: "الجواز والحب والعشرة في تفاصيل محدش يقدر يعرفها، طيب مفكرتيش في يوم من الأيام إن ممكن الأب يشتري ابنه اللي من دمه، ويرفض الظلم، طيب مفكرتيش أن في نفسية ولد، ممكن تتدمر، طيب دلوقت أولادك زعلانين من الكسرة، طيب يتكلموا معاه ليه لحد دلوقت، أرجوكي كفاية في أولاد وأنا من حقي أدافع عن ابني اللي نفسيته بقت مش حلوة، من كتر الحرب على أبوه، كفاية، بعد الانفصال اللي كنت بتمنى استمراره ليكم وربنا يشهد عليه".

وأضافت: "بس ده نصيب، الأهم دلوقت الأولاد، كفاية تشهير في طارق، هو مش خاين وأنت عارفة ده كويس جداً، والأهم من الراجل دلوقتي الأولاد بس، بلاش نشوه الصورة، وهو حر وانتي عشتي معاه 13 سنة وأنا عشت 10 سنين، ومعملتش أي حاجة من دي عمري، لأن الأهم كان ابني مش أنا، أرجوكي كفاية من فضلك، لأن طارق أحسن أب في الدنيا مع أولاده وأنتي عارفة ده كويس".

في المقابل، وجّهت هالة العتال رسالة امتنان لزوجها السابق، وقالت: "أنا بشكرك على وقوفك جانبي في حل مشكلتي، كنت ليه سند، وأمان، وده طبيعي، بعرفك وأنا عمري 18 سنة كنا صغيرين، واتجوزنا، وأحلى حاجة عمر حبيبي القمر اللي معك اللي بشكرك عليه في حياتي، ويا رب احفظه ليا وليك هو واخواته، أنت راجل وأب محترم لأولادك، وأنت بالنسبة ليا صديقي، وحبيبي وابن بلدي، وبشكرك من قلبي على كل حاجة، مع اني لسه كنت بكلمك".

اقرأ أيضاً: كيف علّقت أصالة على صورة طارق العريان مع نيكول سعفان؟ (صور)

وتابعت: "بس حسيت إني عايزه أكتب كده، عيش حياتك حبيبي، أنا فخورة فيك وفي نجاحك وبشكرك على ابننا وعلى كل حاجة، وربنا وحده هو عارف اللي جواك، وشكراً على دعمك المعنوي ليا، لما كنت محتاجاك، كنت برتاح لكلامك وده كان مهم أوي ليا، كنت بقف على رجلي من جديد، عيش حياتك وانبسط لأني الوحيدة للأسف اللي فاهمة، إيه اللي كنت أنت فيه، ربنا يحفظكوا".