بعد المطالبة بقتلها.. أسماء شريف منير ترد

بعد تصريحها الذي أثار الجدل في مصر حول الشيخ الراحل محمد متولي الشعراوي، حدّ مطالبة البعض بقتلها، قررت أسماء شريف منير، الردّ على كم الانتقادات الهائل الذي انهال عليها.

وكانت أسماء قد صرحّت بأنّها شاهدت عدة فيديوهات للشعراوي ولاحظت أنّه يقدم محتوى مُتطرف، مما أثار موجة من الانتقادات دفعتها للاعتذار أكثر من مرة.

لكنّ اعتذارها لم يمتص الغضب الشعبي، مما اضطرها لوضع حد لما يجري من خلال منشور على حسابها الخاص في أحد مواقع التواصل الاجتماعي.

وقالت منير في منشورها مُستنكرة "لما لم أوفق في تعبيري عن أحد آراء شيخنا الجليل، أنتم شايفين إن الصح إني أتشتم كم الشتايم دي أنا وأهلي، هل الصح إنهم ينادوا بقطع عيشي، هل الصح إني أتحاكم وأتقتل واتشنق ده كلام ناس بجد مش مجازاً".

وأشارت أسماء مرة أخرى إلى أنّها لم تقصد ما قالته سابقاً عن الشعراوي "هل بنتي تتيتم عشان قولت كلمة لم أقصدها واعتذرت عليها، محدش فاهم يعني ايه تكون بتتهاجم من الآفات مرة واحده بالعنف ده وكله بيفسر علي مزاجه، مرة قالوا عليا راقصة وكلام قبيح أوي مش هعرف أقولوا ومرة قالوا إني عايزة شهرة وقالوا إن الدولة مخلياني أعمل كده وقالوا إني كافرة وشتموني وشتموا أمي الله يرحمها وأبويا حتي أختي الصغيرة".

وأضافت " لو حد فيكم غلط اتنين تلاتة هينصحوك أو حتى هيتخنقوا معاك بس عشان أنا تحت الأنظار في كم من البشر فاجأه قرارو يربوني ويجلدوني، وفي ناس بتقولي أنا كنت بحبك ودلوقتي كرهتك، يبقي مكنش حب خالص بقي لو كنتي فعلاً بتحبيني كنتي لومتيني، فهمتيني أو زعلتي مني وعتبتيني لكن كرهتيني وبتشتميني كمان، أنتي لو اختك غلطت كنتي عملتي معاها كده؟، في صحفيين مراعوش ربنا في كتابتهم للخبر كل اللي همه السبق الصحفي".

وختمت أسماء منشورها "أنا اتعلمت كتير من الغلط ده واتصدمت برضه كتير، يا ريت تتعاملوا مع الموقف زي ما دين الإسلام علمك، أنا لو كنت كافرة مش دي الطريقة الصحيحة لعقابي أو هديتي، اتقوا الله وخلي في قلبكم رحمة ومغفرة وحب وتسامح زي سيدنا رسول الله على أفضل الصلاة والسلام، ربنا يسامح كل اللي غلط فيا، توكلت عليك يا رب وفوضت أمري ليك".