بعد إعلان انفصالها عنه.. تامر حسني يُوجّه رسالة لزوجته والأخيرة تردّ

أثار إعلان الفنانة المغربية بسمة بوسيل انفصالها عن زوجها الفنان المصري تامر حسني، جدلاً واسعاً في الوسط الفني وعلى مواقع التواصل الاجتماعي، نظراً لقصة الحب التي جمعتهما وأثمرت عن 3 أبناء.

وفي أول تعليق له على الانفصال، وجّه تامر حسني عبر خاصية "الستوري" على صفحته الشخصية في موقع "إنستغرام"، رسالة حب وعتاب لبوسيل.

بدأت أزمة تامر حسني وزوجته عندما فاجأت الأخيرة الجميع بإعلان انفصالها عن زوجها من خلال حسابها في موقع (إنستغرام)

وقال تامر في رسالته: "بسمة حبيبتي للأسف انتي مفكرتيش كويس وسلمتي ودنك لشر السوشيال ميديا عشان كم تعليق كلامهم فارغ نسوكي انك عرفتيني وانا مشهور ودي طبيعة شغلي اللي عرفتيني وحبيتيني بيها".

وأضاف النجم المصري: "ازاي وصلوكي للزعل والبُعد فترة، المهم أنا مش هزعل منك ولا يرضيني زعلك انتي حبيبتي وأم ولادي، أنا ظهرك وسندك مهما حصل، بس اللي عايز أقوله لعل نكون سبب خير في توعية ناس كثير".

وتابع حسني مُنتقداً تأثير مواقع التواصل الاجتماعي في الحياة الشخصية والعاطفية للناس: "ليه لما أي حدّ بيزعل من حد بيطلع يكتب عليه في السوشيال ميديا طب حتى يكلّمه الأول، إيه علاقة الناس بمشكلة شخصية بين اتنين ممكن تتحل بالتلفون أو في زيارة رحيمة ما بينهم ويا ريتها مشكلة أصلاً، ربنا جعل ما بينا مودة ورحمة عشان كدا للأسف انتي عارفة ان في ناس في طبيعتهم حب خراب البيوت ومش هنخلص منهم، بس انتي اللي هتخلصي من فكرة انك تسمعيهم مع انك مكنتيش كدا".

وختم رسالته قائلاً: "كان نفسي الكلام ده يكون بينا لكن انتي اشركتي الجمهور الكريم فكان لازم أرد هنا. بينا حب غالي وحياة كريمة واولادنا وبيتنا أغلى ما فيها ربنا يخلينا ليهم ويخليهم لينا يا رب. متهورة بس بحبك".

اقرأ ايضاً: شاهد.. تامر حسني يرتدي ساعة ثمنها 34 مليون جنيه مصري! 

بدورها، ردّت بوسيل على رسالة زوجها وقدّمت الاعتذار له، قائلة :"فعلاً اتهورت بس عشان بحبك"، وفق ما أورد موقع "مصراوي".

وكانت أزمة تامر حسني وزوجته قد بدأت عندما فاجأت الأخيرة الجميع بإعلان انفصالها عن تامر حسني، من خلال حسابها في موقع "إنستغرام"؛ إذ قالت: "لكل الناس اللي بتبعتلي صور وفيديوهات لتامر وشايفة إنه مش بيعملي احترام سواء في صور أو فيديوهات، يا ريت تبطلوا تبعتولي أي حاجة عشان مش فارقلي أي صور".

وأضافت: "أحب أعرفكوا إن إحنا بقالنا فترة منفصلين وبنحضر أوراق الطلاق، يا ريت تحترموا مشاعر كل واحد فينا وبطلوا على الأقل تبعتولي أي حاجة.. بالتوفيق".

الجدير بالذكر أنّ الفنان تامر حسني قد تزوّج من الفنانة بسمة بوسيل عام 2012، وأنجب منها ابنتين؛ هما "تاليا وأمايا"، وولداً اسمه "آدم".