بالفيديو.. سهير رمزي تثير الجدل بحديثها عن مشاهدها الجريئة... ماذا قالت؟

كشفت الفنانة سهير رمزي عن عدم موافقتها على حذف أعمالها الجريئة من على "يوتيوب"، مشيرةً إلى أنّ هذه الأعمال تمثل تاريخها الفني.

وقالت سهير، حسب ما ورد عن شبكة "روسيا اليوم": "لو رجع بيّا الزمن واتعرض عليّا مشاهد جريئة لو دلوقتي هرفضها، لكن زمان كنت بعملها وأنا مقتنعة بيها ومكنش في جرأة زي دلوقتي، لأنّ المشاهد الجريئة اللي كنت بعملها كانت في حدوته الفيلم وفي سياق الموضوع".

سهير رمزي: اللي كنت بعمله مكنش حاجة شاذة، ولو عندي القدرة أمسح أعمالي من على السوشيال ميديا واليوتيوب مش هعمل كده، وده تاريخ، وأنا عملته وملزمة بيه

وأضافت: "اللي كنت بعمله مكنش حاجة شاذة، ولو عندي القدرة أمسح أعمالي من على السوشيال ميديا واليوتيوب مش هعمل كده، وده تاريخ، وأنا عملته وملزمة بيه… بزعل من نفسي دلوقتي لما بشوف الحجاب اللي كنت بعمله، وكان طرح كتير وألوان كتير، لكن مش بزعل من النقد".

هذا، وعلّقت سهير رمزي على علاقتها بإخوتها من أبيها، وأكدت أنّ العلاقة بينهم انقطعت بعد تقسيم الميراث، موضحةً: "للأسف علاقتي بإخواتي من الأب اتقطعت بعد الميراث، وأنا مش عايزة منهم حاجة، ولا همّا عايزين منّي حاجة، بس لازم يكون فيه تواصل وعلاقة ود بيني وبينهم، وأنا قلت قبل كده حد يتواصل معايا منهم".

وعن عدم أخذها الميراث، قالت رمزي: "أنا مخدتش ميراثي من والدي، لأنّي مكنتش محتاجة منه حاجة، وبابا مصرفش عليّا حاجة، فسبته لإخواتي خصوصاً أختي الصغيرة عشان يتحط في جهازها، وإخواتي همّا اللي اهتموا وقعدوا مع والدي، إنّما أنا مشوفتوش غير مرة واحدة في حياتي وكان عندي (13) سنة".

من ناحية أخرى، تعمل سهير رمزي حالياً على الانتهاء من تصوير مسلسل "أم البنات" لعرضه قريباً، وهو من إخراج عبد العزيز حشاد، وتأليف أحمد صبحي، ويشارك فيه عدد من الفنانين، أبرزهم: فريدة سيف النصر، وهاجر الشرنوبي، ومنة عرفة.