بعد إعلان إصابته بالسرطان .. علاء مرسي : هذه حقيقة رؤيتي للنبي ورسالتي لرب العالمين

أعلن الفنان علاء مرسي، إصابته بمرض سرطان القولون، وتحدث عن تفاصيل ما حدث له في المستشفى، مؤكداً أنه شعر بحالة محبة روحانية لم يشعر بها من قبل.

وقال علاء مرسي في تصريحات إذاعية :"يوم أزمتي حسّيت إني عاصي ومُقصر في حق ربنا.. تأكدت إنه بيحبني وإني مستاهلش المحبة دي، و أصعب لحظة في حياتي عشتها لما دخلت المستشفى وعِرفت إني مُصاب بالسرطان، كانت قاسية عليا قوي أنا وأسرتي، ربنا ابتلاني بالمرض الخبيث رغم إني دي كانت أول مرة أدخل فيها المستشفى في حياتي كمريض".

وتابع: "في الأول محدش بلغني إن عندي سرطان، قالوا لي حاجة بسيطة وهتخفّ.. للأسف طِلع ورم سرطاني داخل القولون، ولابد من استئصاله".

كما تحدث مرسي عن الجراحة التي خضع لها، وقال: "دخلت غرفة العمليات وبمجرد ما أخدت حقنة المخدر، لقيت نفسي في عالم ليس له حدود ولا وصف.. في العالم ده شُفت أرواح حلوة .. جاني سيدنا النبي ورأيته في المستشفى وكان معه سيدنا أبو بكر الصديق.. رأيت والدتي وتحققت من ملامحها جدا وشفت خوفها وقلقها عليا.. وشفت كمان أخويا وحبيبي الفنان علاء ولي الدين".

واستطرد :" فترة التخدير، كانت رحلة سفر لربنا، لكن حصل خلالها حاجة أخطر من كل ده حكولي عليها بعد الإفاقة، حاجة تانية خالص، التروللي اللي كنت منقول عليه من العمليات إلى الإفاقة، اتوقف بيا في منتصف الغرفة، وناس كتيوة اتجمعوا، وشافوني وأنا بتكم بصوت عالي.. اتضح إني شفت ربنا واتكلمت معاه وكلمني".

وأوضح: "كان صوتي مسموع وأنا أقول له (أنا عارف أنك بتحبني.. وعارف إني مستاهلش المحبة دي لأني عاصي ومقصر في حقك.. بس أنا ماليش غيرك، كنت بكلم ربنا بدموعي".

واستكمل علاء مرسي :"بعد الإفاقة، وبعد كلامي مع ربنا حسيت إني مرتاح، وإن ربنا مد رحمته بيا لأقصى حد.. وأقدر أقولك إن تجربة مرضي كشفت لى عن حجم التقصير في حق ربنا، مرضي كان رحلة ذهاب وإياب -من وإلى - الموت علشان أشوف حبايبي.. ربنا أراد إنه ياخذني عنده شوية يؤدبني.. وينورني شوية".

ويشارك الفنان علاء مرسي في مسلسل "عتبات البهجة"، الذي يقوم ببطولته الفنان الكبير يحيى الفخراني، و جومانا مراد
ـ وصلاح عبد الله، ويعرض حالياً عبر قناة dmc، في رمضان 2024.