محمد صبحي : المثلية والإلحاد أصبحا أساس الفن الحالي .. وهذا رأيي في السوشيال ميديا!

على هامش فعاليات معرض الساقية للكتاب، احتفل الفنان القدير محمد صبحي  بتوقيع كتاب "الأستاذ" الذي يتناول سيرته الذاتية ومسيرته في عالم الفن على مدار أكثر من نصف قرن.

وتحدث الفنان محمد صبحي، خلال الندوة عن الفن في الوقت الحالي قائلاً :" احنا تخلينا عن أجمل ما فينا واحنا شعب عظيم كانوا بيتغنوا بالجدعنة والشجاعة وكانوا بيطلبونا في بلاد خارجية بسبب سمعتنا، وكنا رواد في الفن والثقافة، دلوقتي لو بنت قالت لولد لا هتدبح، ودة لأن الفن قدم ده ومتمش على أنه الاستثناء وليه احنا كشعب بنبرز أسوأ ما فينا".

وتابع :"احنا فقدنا نقائنا وامتلكنا غلظة في كل شيء وبكلم عن العالم كله مش مصر بس، احنا لما كنا بنقرا كتاب وانا مريت على عقود كتيرة".

وأضاف :" احنا عملنا بلوك لأجمل ما فينا، أنت التليفون بيعطلك عن الصلاة 16 ساعة ماسك التليفون وأشوف مين عملي لايك، ومين شتم أدخل اشتمه والسوشيال ميديا أصبحت مجزرة لفظية وقتل معنوي، والسوشيال ميديا بقت بتروج لشبابنا وأطفالنا كارتون يعملهم المثلية ودة المشروع القادم للعالم ويعلموك افكار توصلك للإلحاد وتدريب ممنهج على بيع وطنك وميبقاش عندك وطن ويبقى وطنك هو السوشيال ميديا الوطن الخيالي اللي عايش فيه، واية الألفاظ المستخدمة في السوشيال ميديا".

واستكمل :"الشعب الياباني معروف عنه أنه عظيم بسبب عمله ولو موظف أخطأ في شغله مديره مش بيخصمله فلوس لكن بيقوله اقعد في البيت 3 أيام ودة عقاب قاسي ليهم أما لو هنا كان الموظف هيقوله ما تخليهم 12 يوم".

وتحدث الفنان القدير محمد صبحي عن موضوع رفضه لوزارة الثقافة قائلا :" رفضت 4 مرات أكون وزير ثقافة لأني ببساطة وزير دي أقل بكتير من أن أكون فنان، مش تقليلا من الوزير وفي ناس كتير علماء وعلى أتم الاستعداد يكونوا وزراء، لما يتساب دول والأصابع تشاور عليا أنا هقول ده مش سليم".

الجدير بالذكر أن آخر أعمال الفنان محمد صبحي كانت مسرحية "نجوم الضهر" مع سميرة عبد العزيز، عبد الرحيم حسن، وغيرهم عددا من النجوم. المسرحية من تأليف وإخراج محمد صبحي.