ريم البارودي : ريهام سعيد تعشق التريندات المزيفة وخدعتني بهذه الطريقة!

كشفت الفنانة ريم البارودي تفاصيل خلافها مع الإعلامية ريهام سعيد خلال تصريحات تليفزيونية وقالت : لايزال هناك قضايا بيننا،والمشكلة مخلصتش، ومفيش عداوة تيجي بعدها محبة".

وأضافت ريم البارودي
: " ريهام تعشق الترندات المزيفة، وحضرت عزاء والدي، علشان تعمل تريند، وكان حضورها علشان اللقطة طبعا".

أوضحت ريم البارودي أنها نسيت وسط أحزانها في عزاء والدها خلافها مع ريهام سعيد قائلة: "أن فوجئت بها وقت العزاء وأنا مش قادرة أفكر، ونسيت إنها أذتني ودي غلطتي، وكان المفروض مسلمش عليها".

وتابعت ريم البارودي: خدعتني ريهام سعيد بكلام معسول وقت أحزاني وطلبت مني بعد وفاة والدي بشهرين، نعمل حلقة عن "عودة الصداقة".

واستكملت ريم البارودي  :"أنا عملت الحلقة بناء على طلبها، وجاملتها بربع أجري، وفتحت لفريق التصوير بيتي من الساعة 11 بالليل، وهي وصلت الساعة واحدة صباحا، وخلصوا الساعة 11 صباحا، وقبلت أصور علشان مدت إيدها وعزتني، وقلت في إنسانية، وأنا غلطانة إني سامحت".

وتابعت :" البرومو كله أنا طالعة فيه أتاجر بموت أبويا، طالعة أعيط على موسيقى خلف الأسوار، وحاطة لنفسها إضاءة كويسة وأنا لأ، أنا مش عارفه ليه، وأنا مبتاجرش بموت أبويا".

وأوضحت ريم :" لما أطلع في برنامج حضرتك تحطي لي موسيقى تصويرية في ضهري وتقعدي تكلميني وبعدين كنت طلعت مع أي حد طلعت معاكي ليه، وانتي طالعة بتكلميني في عودة الصداقة وماشوفتش حاجة فيها صداقة، كلمتيني على أبويا فقعدت أنا أتكلم وأقول اللي حصل بعدين جت بعد كده بعتت لي البرومو قولت لها البرومو وحش جدًا، وحسيت أنهم قاصدين يعملوا ترند وكأني بتاجر بوفاة والدي وحزني عليه".

وأنهت ريم البارودي حديثها :" رفضت مشاهدة الحلقة وبعد شد وجذب، حطتلي صورة كلب بيطلع لسانه وأنا ولا كأني طبعًا شايفة حاجة، وفعلا ماكنتش بتفرج على الحلقة لأن أعصابي كان ممكن يحصل لها حاجة وروحت متجاهلة تمامًا وعند الله تجتمع الخصوم لأني سامحتها من قلبي ولما دخلت العزا عليا، نسيت كل الإساءة والشتايم والفيديوهات، لكن جابت في عرضي وسيرتي وسب وقذف وتريقة وسيبت كل ده واديتها فرصة تانية، لكنها لاتستحقها.