بعد فيديو لقاء الخميسي... بشرى: مش أي مشهور يستحق لقب فنان

كشفت الفنانة بشرى عن رأيها في حديث زميلتها الفنانة لقاء الخميسي التي نشرت فيديو طالبت فيه جمهورها باحترام آرائها وأفكارها، مشيرة إلى أنّها تؤيدها بشكل كبير.

وأعادت بشرى نشر فيديو لقاء الخميسي الذي تحدثت فيه عن اختلاف الثقافات، وطالبت من جمهورها احترام آرائها، وذلك من خلال حسابها الشخصي بموقع الصور والفيديوهات "إنستغرام"، وعلقت: "صح يا لقاء، كفاية بقى ونرحم بعض شوية، إحنا جزء لا يتجزأ من النسيج الوطني ومن شعب مصر، يعني بنمر بنفس اللي أيّ مواطن بيمر بيه من أزمات، محناش كائنات كرتونية، الفنان نبض المجتمع مش الحيطة المايلة بتاعت المجتمع، الفنان الحقيقي طبعاً مش المدعي، ومش أيّ مشهور يستحق لقب فنان".

وكانت الفنانة لقاء الخميسي قد نشرت فيديو من خلال حسابها مطالبة جمهورها باحترام آرائها، وقالت حسب ما ورد عن مجلة "سيدتي": "رجاء من كل الناس اللي بتتابع السوشيال ميديا... اللي بيحب حد يدخل عنده ويقوله كلمتين حلوين أو يصمت... مبتحبش متقولش، ممكن نختلف في الآراء، لكن لازم نتعلم إزاي نحترم الاختلاف".

وتابعت قائلة: "ياريت نبطل نهين بعض، ونرفض أفكار بعض، كل واحد زي ما تربى، وكل واحد وثقافته، وكل شخص ليه تفاصيله ومعتقداته وأفكاره وثقافته، فلازم نحترم بعض على قد ما نقدر، ولا يصح أن أهاجم حضرتك".

وقالت الخميسي: "الحاجة بقت تزهق بصراحة، الممثل عنده نفس التفاصيل اللي بتمر بيها.. أزمات نفسية ومادية وعائلية ومشاكل، ومنحبش نوريكم مشاكلنا".

واختتمت: "إحنا بنيجي على نفسنا علشان نبسطكم، وبنحب شغلتنا وبنحبكم، فرجاءً حبونا شوية وأدونا هوا، وشوفونا بني آدمين طبيعيين، عندنا مشاكل، وصدقوني مفيش حد في العالم معندوش مشاكل، كل واحد ربنا بيديله على قد قدراته، الرحمة حلوة يا جماعة".