درة : أنا مش مغرورة والبني أدمين بيخوفوني أكثر من العفاريت

كشفت الفنانة التونسية درة عن خوفها الشديد من الظلام، مؤكدة أنها تشعر بوجود أشباح أو عفاريت فور انقطاع الكهرباء.

وأضافت في حديثها لبرنامج برنامج "في البوكس" :" مفيش عندي خوف كبير من العفاريت حالياً، العفاريت مهما كانت وحتى لو كانت موجودة شرها مش أكبر من شر البني آدم، البني آدم أكثر واحد مؤذي، وحتى لو بكلمة ممكن يؤذي أكثر من عفاريت كتير".

وعن فكرة الغرور أو الصورة الذهنية لبعض الناس عن درة، قالت: "مش كل الناس عندها نفس الانطباع عني، وأنا أبعد ما يكون عن الغرور، معقبة:"وأضافت: " ساعات ببقى نفسي أكون مغرورة لما أحتاج أكون واثقة في نفسي أكثر، وخجلي في التجمعات بيتم تفسيره بعكسه وبالغرور، لكن أنا في حالي وبتكسف شوية، أي حدي يعرفني في الحقيقة ويقرب مني بيقول إنت شخصيتك غير كده".

وتطرقت درة خلال الحديث عن رأيها في بعض الفنانين وقالت:" يمكن مش كل الناس تعرف عن تامر حسني خفة دمه، بعيد عن الشغل، الناس كلها عارفة موهبته كفنان، وبحس براحة في الشغل معاه".

ولفتت إلى أنها تحب العمل مع نيللي كريم قائلة: "نيللي كريم من أكثر الممثلات اللي بحبهم وبرتاح في الشغل معاهم، وبحس إنها في حالها، وفي نفس الوقت مفيش عندها مشكلة إن درة أو روبي تعمل دور حلو، وعندها موهبة التصوير وعينها حلوة، غير موهبتها في التمثيل والباليه".

وأضافت :" روبي أيضاً دمها خفيف، وزي ما الناس بتقول هلهلية، ومن أكثر الناس اللي عندها تلقائية".

وعن ظافر العابدين، قالت: "الناس عارفة عنه جانب أدواره الرومانسية، وإنه شاب شكله حلو، لكن عنده جانب إن دمه خفيف جدا".

وفي وقت سابق تحدثت درة عن مفومها للزواج  وقالت : "الزواج مينفعش يكون هدف حياة البنت ولو معملتش دا يبقى محققتش حاجة، بالعكس ممكن السينجل تكون مبسوطة وأنا عملت أغنية من زمان مع أبلة فاهيتا عشان أقول كدا، ومش لازم البنت تتجوز عشان تفرحوا بيها وممكن تفرحوا بنجاحها ودراستها".