لقاء سويدان : الفنان حساس جداً ومفيش حاجة إسمها عذاب القبر والثعبان الأقرع

رفضت الفنانة المصرية، لقاء سويدان، التصديق بفكرة عذاب القبر مؤكدة أنه غير موجود بالقرآن أو الأحاديث ولا دليل عليه.

وقالت لقاء سويدان، في تصريحات صحفية :" كل اللي في القرآن أنا بؤمن بيه إنما أي كلام قاله بني آدم لازم أفكر فيه يا أقبله يا أرفضه، وتوصلت في النهاية إلى أن الموت بيوصل للحياة الأبدية، ودي مرحلة بتوصل لمرحلة أكبر منها، ومحدش رجع حكالنا".

وأضافت :"دلوقتي الشيوخ بيقولوا مفيش حاجة اسمها الثعبان الأقرع، لأن السؤال هو هل حضرتك شوفته وطلعت حكيتلنا؟ جبت الخيال دا منين؟ رغم إنه مش موجود في حديث أو قرآن، وهل أنا بعبد ربنا أو بصلي عشان خايفة من الثعبان الأقرع؟".

وتطرقت للحديث عن عيوب السوشيال ميديا قائلة:" السوشيال ميديا صعبة جداً لأن دائماً الناس بيحكموا علينا واللي عايز يشتم بيعمل كدا، لأن مفيش رقيب، وبيتكلموا من حسابات وهمية ومنعرفش هويتهم، والمشكلة أن الفنان بيكون حساس وبيتأثر بالكلام وبنزعل".

واستكملت :"عمرنا ما هنرضى كل الناس، لأن لحد دلوقتي مش كل الناس متفقين على ربنا وفيه ملحدين وفيه بيعبدوا البقر والفنان مش أستاذ في وزارة التربية والتعليم ولا وظيفته يربي ولا يعلم الجمهور، ومن حق المشاهد ينقد العمل ولكن بدون تجريح".

وأشارت :" الجمهور اللي بقابله في الحياة لطيف وكلهم بيحبوني لكن على السوشيال ميديا مش بيكونوا وجها لوجه واحتمال يكونوا متخفيين ومش بنكون عارفين مين دول وهويتهم إيه واتجاهاتهم إيه".

الجدير بالذكر أن آخر أعمال الفنانة لقاء سويدان شاركت لقاء سويدان، كان مسلسل "القاتل الذي أحبني" بالتعاون مع عدد كبير من الفنانين، أبرزهم هاني رمزي وسهير رمزي وأحمد فؤاد سليم وياسر فرج ورانيا منصور، بجانب مسلسل أيام مع رياض الخولي وحورية فرغلي