منى فاروق : نفسي أفرح ومحتاجة شغل بفلوس حلال

أوضحت الفنانة المصرية، منى فاروق،  أنها في أشد الحاجة للعودة مجددا للفن، وأن يرزقها الله بفرحة تغير مجرى حياتها، وذلك من خلال منشور عبر حسابها الشخصي على موقع تبادل الصور والفيديوهات إنستجرام.

ونشرت منى فاروق مقطع فيديو لها من خلال خاصية استوري، قالت فيه: الواحد نفسه في فرحة تغير مجرى حياته، اللهم شغل يغير مجرى حياتي، ويرجعني أحسن من الأول.

وأضافو: عشان أكيد أكيد الشغل هو اللي هيخلي نفسيتي أحسن حاجة في الدنيا.. اللهم فلوس حلال يارب، واللهم الستر والصحة، وحسن الخاتمة في الأخر.

 وفي وقت سابق تحدثت الفنانة منى فاروق عن أزمتها الأخيرة، وكشفت بعض الأمور في حياتها الشخصية، كما تحدثت منى عن والدها الراحل وكشفت عن علاقتها به.

وقالت منى فاروق: لما حصلي أزمة زي اي بني أدم في الدنيا ممكن يتعرض لأزمة بس الناس كلها مسمتش عليا واللي معاه سكينة بيدبحك واي حد بيدوس عليا لأن أنا معنديش ضهر بس ربنا ضهري، وربنا ابتلاني وناس كتير قدامي ظهرت على حقيقتها سواء من صحابي أو ناس قريبة مني أو من الشغل".

وتابعت: ومبقاش ليا صحاب دلوقتي وفي ناس ربنا كرمني بيهم بعد الأزمات اللي حصلتلي، وكنت بحاول أهرب من الواقع اني مفكرش فيه عشان الحياة بتوجع والحقيقة دايمًا بتوجع و أبويا لو كان عايش كان هيجيبلي حقي ومكنتش هحارب الدنيا لوحدي.

وفي سياق مختلف، وجهت الفنانة منى فاروق رسالة لكل الأشخاص الذين يعتقدون أن الفنانين ولاعيبة الرياضية حياتهم سهلة ومريحة.

ووجهت رسالة لمنتقدي مهنة الفن وقالت: “بقول للناس اللي بتقول إن الفنانيين ولاعيبة الرياضة مرتاحين والدنيا معاهم لذيذة دا مش حقيقي، الفن والرياضة شغلانة زي أي شغلانة.. شغلانة متعبة جدًا”.

وتابعت: “أنا بشوف إن لعيب الكورة بيتمرن كل يوم وعدد ساعات كتير وبيتحرم من القعدة من أهله وأصحابه من وجهة نظري.. وعموما أي شغلانة فيها التزام”.

يذكر أن أحدث أعمال منى فاروق مشاركتها فى مسلسل "أيام" تأليف سماح الحريرى وإخراج محمد أسامة، وبطولة كل من: حورية فرغلي، شيرى عادل، وأحمد صفوت، وسلوى خطاب، وميدو عادل، ومحمود حجازى، ورياض الخولى، وندى موسى، مى القاضي، وحجاج عبد العظيم ولقاء سويدان، وسماح السعيد، حنان يوسف، صفاء جلال، محمد دسوقى ومحمد مغربى، وتدور أحداثه في 45 حلقة.